نجوم في سماء هندسونا (اواب هاشم)
نجوم في سماء هندسونا (اواب هاشم) - مدونة وائل
لقاءات "نجوم في سماء هندسونا"
مع الباشمهندس اواب هاشم
س١/ نبذة تعريفية عنك(البطاقه التعريفية)...؟!
أواب هاشم أحمد عباس من مواليد مدينة عطبرة حي الشرقي الأصل رباطابي من منطقة أبو هشيم جنوب أبوحمد درست المرحلة الاساسية بمدرسة أم القرى الأساسية بنين ببربر ومن ثم إلى بربر الشرقية بنين ومنها للمرحلة الثانوية بمدرسة بربر الأهلية بنين حتى وصلت لجامعة وادي كلية الهندسة والتقنية قسم الهندسة الكهربائية والإلكترونية المستوى الدراسي الثالث
س٢/ اول بروف للدفعه شاركنا تفاصيل الخبر وصلك كيف وكيف كان شعورك...؟!
يا سلام أول نتيجة في الكلية ، كلنا عارفين رهبة النتيجة والجرس البتحصل قبلها وكمية التنشن البتحصل للناس دي كلها حتى الخريجين بتجرسوا خليك تكون برلوم وفي أول سمستر.المهم بتذكر كانت يوم أربع مع العصر كده وكنا منغمسين في بحوث وبتذكر وصلني اتصال من صاحبي واول كلمة ليه انت جبت كده ..... والصراحة كانت من اكبر الصدمات في حياتي ومن اكثر اللحظات فرحا برضو واول من وصلت واجهت البورد واتأكدت منها اتصلت
على الوالد والوالدة وبشرتهم بالنتيجة
س٣/ لو طلب منك تغير حاجه في الكلية حاتكون شنو...؟!
السؤال ده بالذات ما ساهل بسبب وجود حاجات كتيرة في الكلية من منظوري محتاجه تغيير وزي ما قال المتنبي ما كل ما يتمناه المرء يدركه تجري الرياح بما لا تشتهي السفن
لكن ممكن نقول كموضوع لازم يتغير موضوع زي الطالبات ورغم انه كلامي ما اظن يعجب اغلب الناس لكن دي قضية حساسة لازم يتم النظر ليها بمنظور دقيق ووضع ضوابط لموضوع الزي وشايفين الكلام ده اتطبق في جامعات تانية حفاظاً على سمعة اخواتنا الطالبات وعلى سمعة أهلهم والكلام كه وضحو بشمهندس محمد فتحي في الحلقة الفاتت
س٤/ حا اديك مناصب في رابطة الكلية القادمة وعايزك ترشح لي أسماء انت شايف انهم قدر المناصب دي
الرئيس _الأمين العام _الأمين الرياضي_الامين الإعلامي...؟!
زي ما قلت ليك فوق الكلية دي بتزخر بأسامي كثيرة فموضوع الاختيار ده فيو حبه صعوبة اضافةً لوجود شخصيات بارزة بكل من دفعتي رفاق و2020 ومع وصول الدفعة الجديدة دفعة 21 وبوجود وعي كبير للعمل في هؤلاء الشباب فمستقبل الكلية في أمان معهم ونأمل انه نكون ليهم قدوة زي ما كانوا القبلنا قدوة لينا
فحالياً بالوضع الراهن في الكلية ومع مراعاة النظام الاساسي للرابطة ممكن اتكلم ليك عن شخصيات في منظوري الخاص هي أهل لتدير المكتب التنفيذي للرابطة بدون اتطرق لتفاصيل اختيارهم طيب منصب الرئيس ده شايف منذر حركة من دفعة شوامخ ، منصب الامين العام ممكن محمد فتحي من دفعة كفاح ، الامين الرياضي هاني عثمان والامين الاعلامي نظراً لانو نادر تاج الدين كان مبدع في اول فترة للرابطة فانا شايفه بصلح للمنصب
س٥/ بعد نجاح كبيرة لمكتب آفاق تعثر في آخر الأنفاس وسقوط تام استقاله جماعيه..!! هل كان عندكم رسالة عايزين توصلوها للدفعه ولا كان قرار عاطفي....؟!
الحصل في الفترة الاخيرة ممكن ما نسميه سقوط تام بل هو اقرب لوضع حجر أساس مكتب تنفيذي جديد خاصة الموضوع تزامن مع نهاية فترتنا فالامر اشبه بتنازل تم فيه ارضاء كافة الاطراف ممكن تقول الموضوع كان فيه حاجة بالشكل ده قرار زي ده ما قرار ما قرار بتأخدك فيه العاطفة رغم انه حان نتاج لبعض الاحداث لكن في النهاية كان الهدف من القرار المصلحة العامة للدفعة بعد ان اجمع المكتب التنفيذي على القرار ده
وممكن اقول ليك القرار ده كان منعطف وتغيير مسار لدفعة آفاق في قادم الأيام
س٦/ اتكلم لينا عن شخصية انت بتكن ليها الاحترام داخل الكلية...؟!
والله كلية الهندسة مليئة بشخصيات كانت لنا منارة في مسيرتنا الاكاديمية والإجتماعية والعمل العام فصعب جدا اختار ليك شخصية من الناس ديل فكل البقدر اقولو انو انا بحترمهم وبقدرهم وما بقدر اوفيهم حقهمس٧/(خارج الصندوق) علاقتك كيف مع الجنس اللطيف...؟!
أسامة مطاعناتك دي اصلو ما بتخليها
والله يا حبيبنا زميلاتنا ديل بمثابة اخواتنا أولاً وأخراً وعلاقتنا معاهم بتحكمها الكلية وما اظن في اكتر من كدهس٨/ استلمت منصب أمين عام للدفعة وبرضو حافظت على لقب البروف كيف قدرت وفقت بينهم.....؟!
والله الصراحة الموضوع ما ساهل وبرضو ما صعب بس بحتاج منك كيف انك تقسم وقتك بين العمل العام والحياة الخاصة والاجتماعية وبالطبع الاكاديميات ف اي زول لو وضع في تفكيرو انه يكون مؤثر في العمل العام ويكون شخصية اكاديمية بقدر يبقى كده بحبه ارادهس٩/ انت في بدايات مسيرتك مع العمل العام في الكلية هل حاسي انك حاتكمل....؟!
بالواقع الشايفو يمكن اقول انه حنواصل في الفترة الجايةمن الجمهور....
1/ بغض النظر عن بعض الشخصيات ليه دايما البروفات في الدفعة ناس غير اجتماعيين و منعزلين عن الدفعة و عادة ما بيشاركو في اي نشاط طلابي ؟
هو الناس دي كلها بتقول كده لكن في كليتنا دي شايف العكس تماما كمية كبيرة من البروفات في الكلية ناس اجتماعيين ومشاركين في الاغلب النشاطات العامة والخاصة الا فئة صغيرة وديل بكونوا بطبيعتهم كده3/ رايك شنو في البروفات البيشرحو للبنات بس ؟
ده والله سلوك ما حميد نهائي، بالنسبة للشرح وكونو تفرز الناس البتشرح ده تصرف ما ظريف وضد الفئة دي وطبعا الناس ما مقصرين معاهم (خرفان، كلاب سرة ....الخختاماً كلمة للبرنامج والكلية...؟!والله البرنامج جميل وفكرتو ظريفة ودائماً يا اسامة بتبهرنا بي ابداعاتك وان شاء الله موفقين لتعبروا بالكلية في الآونة القادمة