نجوم في سماء هندسونا (احمد محمد على) 

نجوم في سماء هندسونا (احمد محمد على)-مدونة وائل

لقاء نجوم في سماء هندسونا
مع الباشمهندس أحمد محمد علي
١/ عرفنا عنك شوية البطاقة التعريفية..؟!
احمد محمد علي محمد
عطبره حي السودنة
مواليد 1999
قريت الاساس في مدرسة الرباط الأساسية والثانوي مدرسة النيل ومدرسة الشهيد همام
وحالياً كلية الهندسة المستوى الخامس قسم الميكانيكا٢/ اول حاجه الزول ممكن يبدأ بيها كيف الزول يقدر يحفظ القرآن وشعورك شنو لمن ختمت...؟!
طبعاً مسألة الحفظ في الأول والاخير هي توفيق وإكرام من الله
بعد داك بشكل عام اذا كنت داير تنجز اي حاجة بتخت هدفك قدامك وبتفتش للدوافع وللبنزين البحركك عشان تصل
وعشان نحفظ ما اظن في دافع اكبر من حديث النبي صلى الله عليه وسلم (.. اهل القرآن هم اهل الله وخاصته)
بعد البشرى دي والميزة العظيمة دي ما في سبب يخلينا ما نبدا نحفظ
ناس كتار شايفين انو ذنوبهم كتيرة عشان كدا ما دايرين يبدوا، وديل الشيطان لاعب بعقلهم كورة
قبل سنتين ما كان عندي علاقة بالقرآن لا حفظ ولا حتى قراءة (حايم ساي) لحدي ما عرفت انو الموضوع دا عدم توفيق وحرمان ونوع من انواع العذاب كأنو حظر وانا لما اكون مزعل زول ما بقدر انوم فما بالك بربي يكون حارمني!
بقيت كل يوم افتح المصحف عشوائي واقرا آية واحدة واقفلو وبقت تزيد شوية شوية وجاتني فكرة الحفظ وبفضل الله اتلمذت على يد مشايخ ما كنت احلم اني اقابلهم في يوم من الايام جزاهم الله عنا كل خير
خلينا نبدا والتساهيل من ربنا حتكون خارج التوقعات
خلاصة الموضوع الداير يحفظ طريقو الوحيد هو الدعاء والاستغفار والابتعاد عن المعاصي قدر المستطاع والابتعاد عن الاغاني نهائياً والباقي على الله وكل شئ بالدعاء آتٍ بإذن الله
رحلة الحفظ وتفاصيلها ممتعة جداً وكلو بي حقو (الحرف بحسنة والحسنة بعشر امثالها)
يعني المشروع دا لا يقبل الخسارة
حيكون في دورة تحفيظ على مستوى كلية الهندسة في الأيام الجاية دي بإذن الله بتمنى انها تكون النواة والبداية لأي زول ناوي يحفظ إن شاء الله
اما عن الشعور فهو لا يوصف ولا يُكتب٣/ أكاديميا تفتكر الكليه فاقدة شنو....؟!
انا ما عارف المشكلة في المقررات ولا في طريقة التدريس؟ في الحالتين الموضوع محتاج شوية جدية من الإدارة٤/ رايك شنو في الظواهر السالبة البدت تظهر في كليتنا....؟!
الظواهر دي ما في كليتنا براها
البلد كلها بقت كدا
نسأل الله السلامة والعافية
٥/شخصية بتكن ليها الاحترام داخل الكلية....؟!
كل اخواني واخواتي داخل الكلية والاتخرجوا منها
لي الشرف والله اني جزء من الأسرة دي
وداير اوجه تحية واحترام لجماعة أنصار السنة المحمدية في الكلية
ولدفعتي الجميلة كفاح٦/ هل العمل العام بأثر على الجوانب الاكاديميه....؟!
على حسب الشخصية
ممكن يكون زول منضبط وبيعرف كيف يفصل دا من دا وينجح هنا وهناك٧/ حتبنيهو ولا حا تسافر تخليهو....؟!
غالباً حأبنيهو لأنو انا وحيد وما عندي اخوان ما معروف اليحصل شنو لكن من توكل على الله فهو حسبه٨/ استاذك المفضل منو....؟!
كل الأساتذة الأنا مريت بيهم في الكلية هم محل احترام وتقدير واخص منهم د. مدحت واستاذ مرتضى واستاذنا منصور عبدالرحمن واستاذنا حسن علي
والاساتذة في التخصصات التانية برضو جزاهم الله عنا وعن زملاءنا كل خير٩/ تقييمك لرابطة كلية الهندسة....؟!
طبعاً ليس لمثلي ان يُقيم
لكن ابشر الرابطة السابقة والرابطة الجاية بحديث النبي صلى الله عليه وسلم (من كان في حاجة اخيه كان الله في حاجته)١٠/كلمة ختااام للبرنامج والجمهور.....؟!
سعيد جداً بالمشاركة دي وبالفكرة دي وإن شاء الله البرنامج دا يكون سبب لترابط اجيال هندسة مع بعضهم
وبالله ما تنسونا في دعواتكممن الجمهور
قصتك مع حفظ القرآن كان كيف!
وكيف اتعلمت اللغة الصينية ؟
وكيف بقيت شيخ؟
اللغة الصينية لسة ما كملتها لكن عندي عنها فكرة كويسة
وبالمناسبة هي من اسهل اللغات (ساهلة جدا جدا) بس منظرها من بعيد يخوفعموماً الموضوع طويل واذا في زول حابي يجرب الخاص مفتوح دائماً انا ما شيخ والله
كلمة شيخ دي ما بتتقال لأي زول
كيف قدرت تنظم وقتك يعني الخطة المتبعة
ومتعلم كم لغة
وهل تعلم الانجليزية صعب...؟!
تتظيم الوقت محتاج تضحية
تضحي بحاجات فيها متعة ليك لكن ما منها فايدة
النبي صلى الله عليه وسلم قال:(إن الله يحب معالي الأمور ويكره سفسافها)
اي حاجة فارغة في حياتنا وبتضيع زمنا مفترض نتخارج منها
انا بخص بكلامي دا الدفعات الجديدة لأنو نحن لمن جينا الكلية جداد جينا ناس ملعبة وهسة ندمانين على السنين دي
اذا انت في المستوى الأول او الثاني انت عندك فرصة تعمل حاجات كتيرة تنفعك قدام
اللغة العربية في تلتلةمافي حاجة صعبة بإذن الله